إزاي هزهد في حاجا ماعييش؟ -ياحمار دي فضيله الاستغناء وانا كنت استغنيت بمزاجي؟ أنا اسمي يئست ومستغنتش إيه الزهد في إني أما أجي أشتري ما بجيبش عشان ما لقتش؟ فيه فرق ما بين صبر العاجز علشان مبقاش حاجه ف إيده وبين واحد أصلا مش عايز غير زي ما بس يعوز سيده صدقني أنا زاهد بالصدفه .. أو من غير قصد أنا طاير آه .. لكن علشان مش لاقي الأرض . مصطفى إبراهيم

الخائفون من الفراق.. والخائفات والعارفون ان اللقا بيدوم ساعات كل فى فلك يسبحون.. ويذبحون عمر الحاجات الجاية على حس اللى فات . مصطفى إبراهيم

كل يومين .. بكبر و ارمي حاجات و اكتشف إن أنا .. كان ممكن أعيش من غيرهم اصلا من ألاول ما اعرفش بقى اليأس اتحول و قلب زهد و لا دا جين صوفي من الأول مش محتاج جهد . مصطفى إبراهيم

ساب الجاكت في الفاترينه بعد ما قاس ساب الجزمه في الكرتونه بعد ما داس حط التلج وبلع بق وساب الكاس ساب حكاياته للي حاكيها وفضي حياته للي ماليها ساب الدنيا بكل مافيها بعد ماجرب كل الناس . مصطفى إبراهيم

ارجوك يا زمان خبى المقدور الضلمة براح اكتر من النور سيبنى اتخيل .. ان انا بختار قبل اما اعرف .. ان انا مجبور . مصطفى إبراهيم

أدين بـ دين الجدعنة و بـ دين رفاق الدرب و بـ قولة إحنا مش أنا فـ المعمعة و الضرب و بـ دين ما كنت مصدّقه فـ المعركة الأولى و بـ دين جثث فـ المشرحة أساميها مجهولة و أدين من ساب على الأسفلت اخواته مقتولة و اقوله التوبة مقبولة إلا فـ وقت الحرب . مصطفى إبراهيم

إزاى تعرف مين سابق مين جوا الدايرة و مين فيها فطع أطول مشوار .. مش ممكن برضه اللى ف ضهرك يطلع سابقك و انت اللى حمار . مصطفى إبراهيم

وراكل كلمة سبتها و طلعت فيه كلمتين مارضوش . ورا كل دمعة سبتها و نزلت فيه دمعتين مارضوش . وراكل كاس حزن فضيته بالنسيان فيه ألف كاس مليان بيزيدوا مابيفضوش . مصطفى إبراهيم

بلالين عايشين نِفسها تلقى حد يصدَّق و يقدرها مُتأكِده مِن إنه عاوِزها مِن غير ما يجرَب يخسرها . مصطفى إبراهيم

يا غنوة ما بتكملش يا دمع يا محبوس ليه كل ما أحلم حلم بقى يتقلب لكابوس بسأل ساعات نفسي لو جيتي على بالي هي الحقيقة صحيح ! مكانتش باينالي ؟ ولا ساعات بنخاف نعرفها تجرحنا ولا صدق نجانا ولا كدب ريحنا هنعيش بنتألم مـ الدنيا طول ما احنا ، بنبيع قلوبنا رخيص وبنشتريه غالي ،، يا غنوة ما بتكملش . مصطفى إبراهيم