الواحد من غير حلم ميقدرش يعيش ، يلاقي نفسه عنده " وخم " على طول ، مش قادر يتحرك من على السرير ، يكتئب ، يبقى عايز يموت، انما بالحلم تلاقي الواحد يتحرك رهوان ، يبقى فريرة ، نار قايدة متطفيش . خالد الخميسي

اعمل الخير هيرجعلك خير .. عامل زى الصوت و صدى الصوت لو ماطلعتش صوت عالي من قلبك مش هتسمع صداه .. و كمان الخير لو ما عملتش خير من قلبك للناس عمر ما هيرجعلك خير . خالد الخميسي

اللي ما تسجنش في فترة عبدالناصر مش حيتسجن أبداً ، واللي ماتغناش في فترة السادات مش حيتغنى أبداً ، واللي ما شحتش في فترة مبارك مش حيشحت أبداً . خالد الخميسي

ياه .. أنا سبت حاجات كتير قوي .. طول ما أنت ماشي بتسيب حاجات وراك وعشان ترجع تاني مستحيل .. العقارب بتتحرك لقدّام بس. خالد الخميسي

كل حاجة في الدنيا دي لها جمالها.. يكفي انك تفتح قلبك عشان تشوف الجمال اللي حوالينا.. لكن لو إنت زي معظم الناس مقفل قلبك حتشوف النور اللي بيضوي حواليك ازاي؟ خالد الخميسي

نملة سوداء على صخرة سوداء فى ليلة حالكة الظلمة يرزقها الله . خالد الخميسي

عارفين نظرية الجواز ؟ قبل الجواز انتَ تتكلّم وهيَ تسمع بعد الجواز هيّ تتكلم وانتَ تسمع وبعد تلات سنين من الجواز انتَ وهيّ تتكلموا وأمة لا إله إلا الله تسمع . خالد الخميسي

النيل ده زي ما بيدينا مية علشان نشرب و ناكل ممكن كمان يغسل روحنا ، النظر اليه يطّهَر قلبك . خالد الخميسي

احنا عايشين في كدبه ومصدقينها ..والحكومه شغلها الوحيد انها تراقبنا مصدقين الكدبه ولا لا . خالد الخميسي

أنا: إنت بتقول إيه؟ مفيش أخلاق .. مفيش قانون .. مفيش دستور .. إنت فاكر إحنا عايشين في غابة؟ السائق: ليه وإنت فاكرنا عايشين فين, في مدينه!! ده الغابة رحمه عن اللي إحنا فيه, إنت عارف إحنا عايشين فين؟ أنا: فين؟ السائق: في الجحيم. خالد الخميسي