زمان في حد علمنا في درس الدين دعاء بيقول يا خالق كل شئ ناقص كمالته معاك يا شايل من الحاجات حته بنترجاك بحق المشهد الكامل و اسمك اللى أنا عرفته تسيب اللى يكفينا و تكفينا بما سبته ما تحوجناش لجاى مجاش و ندعي وراه بصوت عالى يرج الفصل رج خفيف و أكمل دعوتى فى سري و ترحم قلبي فى شيبته كما تدعو الفروع الأصل دعوتها فى كل خريف . مصطفى إبراهيم

فى الدايرة مفيش واحد بيتوه غير اللى يقرر يوقف لف . مصطفى إبراهيم

بقابل اد ما اقابل و افارق اد ما افارق و ما اتعلمش بلخبط ف الاسامى عشان بخاف انسى بلخبط ف الدنيا عشان بخاف لا ما اعيشش بقالى كتير ما بتكلمش بخاف يبقى الكلام متعاد ما كملتش ف اى رحيل ما كملتش ف اى قعاد و بدى للحياة بالكاد ما يكفيها و يكفينى شرور البهدلة فيها . مصطفى إبراهيم

فى فرق بين صبر العاجز علشان ما بقاش حاجة فى إيده و بين واحد أصلاً مش عايز غير زى ما بس يعوز سيده . مصطفى إبراهيم

يا رب لا تبتلى ربعنا بالتلات تربع و لا تبتلى يا رب قلتنا بالغالب لا تبتلى يا رب شعبنا فى وطنه طول ما عدد جواه لسه مهوش سالب . مصطفى إبراهيم

و إن بعتوا دم شهيد .. بكرة .. هتتباعوا . مصطفى إبراهيم

بقابل قد ما بقابل و أفارق قد ما بفارق و ما اتعلمش . مصطفى إبراهيم

كل أما بفتح صفحة ف الدنيا بلقاها بتتقلب مني من قبل ما أقراها . مصطفى إبراهيم

الصورة قصادك ممدودة... و مش محدودة... بالطول و العرض... و البرواز ضلعه الفوقاني... ف السما.... و التاني مساوي الأرض... و بما إنك حيلتك بس عينين... ف قصادك حل من الإتنين... يا تقرّب جامد م الصورة... و تاخدلك كادر تركز فيه... و تعيش حكاويه... و ساعتها مفيش.. و لا كادر يعيش... و يكونله لزوم... غير كادر الزووم... أصغر تفصيل ف الصورة يبان... ريحة الدنيا و طعم الأحداث... الفرق ف تدريج الألوان... شكل التجاعيد ف وشوش الناس... ف تعيش مستمتع بالتفاصيل... الجهل... جميل... بيقربلك سقف النشوة... و الحزن كمان... أما لو اخترت إنك تبعد... و تشوف المنظر من برة... حتغطي عينيك كادرات أكبر... و حاجات أكتر... لكن أحجامها بقت أصغر... م الأول ميت مليون مرة... تكتشف إنك... مبقتش في حاجة تأثر فيك... و لا بتبكيك... مبقتش بتزعل تقريباً... و الدنيا بقت أبيض فاقع... و إن انت بقيت إنسان ساقع... مبقيتش بتضحك بالساهل... و لا حاجة ف نظرك تستاهل... تتمنى ساعتها تعود جاهل... ف تلاقي الزووم... كان رايح بس... و لجل النحس... مفيش راجع. مصطفى إبراهيم

و الذكريات دايماً بتصحى لما بنيجى نحتضر . مصطفى إبراهيم