حكم و أقوال
اقتباسات وأقوال وحكم محمد السيد - الصفحة 3
اقتباسات أقوال وحكم من كلام محمد السيد قمنا بجمعها بكل عناية و نرجو أن تنال اعجابكم. تحتوي الصفحة على 79 قول و اقتباس من كلمات وكتابة محمد السيد. - الصفحة 3
حكم وأمثال الكاتب محمد السيد
أجمل وأشهر المقولات للكاتب والمؤلف والمفكر محمد السيد.
كل الليالى شتا لما الدموع تكتر و العمر مستكتر يعدلك الكفة بردان و ليه رايح بالبرد تتدفى ده انت الجراح لازمتك ليه منها بتقرب إنت اللى راح أزمتك و العمر متغرب ده الدمع ملّ العين طب اقولك اسأل مين و انت اللى بتجرب . محمد السيد
وانا مروح ساعات بمشيها مش بركب ومشواري طويل حبة لكن مبسوط ومش بتعب بلاقي حاجة في الزحمة وفي الفرجة علي الدنيا في عيون الناس ومين زعلان ومين سرحان ومين ماشي كده وخلاص واروح اشرب عصير مع ناس مفيش بيننا ولا حاجة وناس تسألني محتاجة وناس ملمومة بتزعق ثواني و متلاقيش حاجة وحد يقوللي ولعلي وحد يشوفني يضحكلي وحد يقوللي وسعللي وانا معملتوش حاجة لكن ماشي وانا ماشي بحس بإني صوت آلة في غنو الدوشة تعزفها بكون كومبارس بيعدي في قصة ماشية علي كيفها يجوز من غيري مش فارقة لكن فارقة معايا بجد وكل ما احس بالوحدة وان في دنيتي ولاحد أروح مشي مش بركب ومش بتعب . محمد السيد
وراح قلبي في دمعة عين ..وكلمة كل شئ قسمة .. نصيب وصلنا للقسمة.. بقينا اتنين .. وجايز كل شئ بيننا ما عدا الجمع . محمد السيد
و الموت مسكن اسئلة و ماهوش جواب الامضا بس بتتنقل من خانة الحاضر وجع لخانة الموجوع غياب اذن الوجود مش هو اصل المشكلة و الازمة لو ازمة حياة فلكل ازمة منحنى الازمة فى الغالب...أنا! محمد السيد
كان قلبي مليان بالصور لوشوش كتيرة بتبتسم رغم الزحام رغم البشر كل الوشوش اتغيرو قلبي اتملي كراكيب صدف ولا صدفة قادرة تعمرو . محمد السيد
انا مش هامننى الجراح والألم ... ولا مين بيظلم ومين اتظلم ... انا بس خايف عليك لما تبعد ...تجّرح عيونك دموع الندم . محمد السيد
انا بين ايدكى بتولد.. انسان بيدخل دنيته من غير ذنوب... ومالوش مطالب فى الحياة غير يبقى شايفك... يتوضى من ريق الملايكة بين شفايفك... ويصلى فرض الشكر على نعمة وجودك... ويطوف فى دوامة عنيكى بالسنين . محمد السيد
امسح دموعك بالمطر اتدفي بالشارع... ادي البراح فرصته ياخد عنيك بالحضن.. متكونش كبش البكا لو مال عليك الحزن... اوعي الببان تفصلك عن ضحكة تستاهلك.. دوق الحياة بالناس دول كلهم اهلك . محمد السيد
كرسى البلد ميشيلش أى إله و ازاى يا خلق الله خِّروا له سُجدا كافر انا بربكم ولا كنت مستعبدا مؤمن بواحد احد ما نسانى يا ناسيين بسجد لعادل أمر بالعدل يا عاصيين . محمد السيد
ساعات الورد يرجع حى ولو عاش السنين دابل مفيش احلام تموت الا لو اللى حلمها كان قابل . محمد السيد
المؤلفين
أشهر المؤلفين في موقع حكم وأقوال.