الإنسـانيه كرامـه.. والطيبـه والأخـلاق.. مايقبلوش الملامـه.. مجـروح كـأن السلامــه.. إهانـه للشـهداء . فؤاد حداد

دي هي كلمة لشعبي ولقمة لولادي ماطلبش غيرها وغير الحق في جهادي يارب يا هادي بحق الليلة دي أسألك يارب كرامة المؤمنين والنصر لبلادي . فؤاد حداد

لا للقِط ولا للفارْ الإثنانِ طويلا الذيلِ من أمكرِ أبناء الليلِ الأول يدعو بالويل والثاني وغد فرّار لا للقِط ولا للفار الاولُ فيه ما فيه من غدرِ اسوَدَ يخفيه والثاني تبرزُ من فيهِ أسنانٌ مثل المنشار لا للقِط ولا للفار لا يجدي الفكر الإنساني أن يعلمَ أيهما الجاني في رأي الأول والثاني أن الحق مع الأظفار لا للقط ولا للفار في رأي الثاني والأول أن الدنيا لا تتبدل إما أن تأكلَ أو تؤكل هل للعاقلِ أن يختار؟ لا للقِط ولا للفار . فؤاد حداد

يا دمعة العين ما تخافيش تجرى لابد منك فى الحماس الحق . فؤاد حداد

خلي صوتنا بعد موتنا مليح مش عمل باطل وقبض الريح مش كلامنا اللي هيبقى تراب . فؤاد حداد

مسحراتي ومعدي منقراتي ومين قدي الطبلة عاليه في احضاني زي البيان زي النشره في ستة اكتوبر عشره من الهلال الرمضاني كان قلبي صخر الحنيه في المعركه للحريه وللسلام اللي هداني والنسمة هلت بحريه يا مصر يا شهد الشهدا الجنة شمسك وترابك اصوم واصلى في محرابك واسمع الشط الثاني الله اكبر وأداني اه من هواي في اوطاني اه من شقاي ومن طربني الارض تتكلم عربي والدنيا تسمع بوداني نور الوجود من وجداني زقاقي يفتح لي ميداني حبيبي خدني وعداني . فؤاد حداد

يا سامعين أبناء بلد واحده تحت السما الواحده خشوا الجنينه واقطفوا الورده . فؤاد حداد

كل شئ راجع ومش راجع بنت بنتى يعلّموها المشي قلبي بيحاول فى وادي الجوف ارتخى وزال الوتر والخوف يفتكر أيامنا ويهدى . فؤاد حداد

البـراح مجروح بشقفة قزاز لو تشوفها الشمس تتزلزل انتباه ان كنت بتمثل انتباه ان كنت بتغني انتباه ان كنت شاعر عويل الفرح والكدب حبله قصير والعذاب والصدق حبله طويل نمرة الدبابة راح تتغير الحجر مش راضي بالتدويل . فؤاد حداد

كنت دايخ وللا خايف أقع وللا بسأل نفسي لجل المُر اللي يتلقاني بين الرياح إمتى كان ممكن يضيق البراح قالوا هات شَقفة مراية وضيق جبتها من الشارع النوّاح جبتها من الشارع التايه اللي بيدور عليه الهوا لما تجري دموعي زي الريق المراية في إيدي زي الدوا المراية في إيدي زي السلاح . فؤاد حداد