حلمك لوني.. قلبك ابيض حتة ف كوني... وفين ماتكوني بكون وبعيش... راضي معاكي بحتى.. مفيش . محمد السيد

لو كنتى فين.. بقدر اشوفك كل وقت وكل حين.. بقدراحسك بالإيدين... واسمع غناكى وهو بيشق السكوت.. بقدر افوت من اى لحظة تغرّبك.... بُعد المسافة مقرّبك قرب الرموش للعين . محمد السيد

الدنيا رحلة وجع ضحكة على أستحياء الدنيا داء و الدوا فى روشتة استغناء الدنيا حقنة أمل .. بتخدرك حبِّة لكن ماهيش حابة يبقى بينكو وفاق . محمد السيد

يعمل ايه القلب لما يفتكر حبة وجع نغزة تطرد نوم عينيه طيف يعدي بدمعه حايرة يا تري تفضل مكانها وللا تنزل زي غيرها ربما تهون عليه يعمل ايه قلب ما اخترش انه يبقا اغني واحد في الحنين مستعد لأي ذكري انها تخليه حزين ازمته مش انه راضي هو راضي بدون قرار اي ماضي لو يزورك مش بيديك اختيار بس لما الماضي دايما للدموع بس يناديه يبقي مش عارف ساعتها يعمل ايه . محمد السيد

رغم ان جيوبي فاضية... قلبي مليان هموم.... حتي الايام ما راضية... تضحك قدامي يوم.... بتألم بس عايش... راضي باللي اتقسملي... واتبسم للمعايش.. لو رفضت تبتسملي... عريان من اي بهجه... ومتداري في الهدوم... محمد السيد