موقع حكم اقتباسات أقوال
موقع حكم واقتباسات أقوال يحتوي على الاف الحكم و الأمثال من أبرز الشخصيات والمشاهير.
اقتباسات أقوال وحكم من كلام مصطفى إبراهيم قمنا بجمعها بكل عناية و نرجو أن تنال اعجابكم. تحتوي الصفحة على 152 قول و اقتباس من كلمات مصطفى إبراهيم.
مصطفى إبراهيم
أنا فاكر أيام بالمللى أنا فاكر أيام بالتفصيل . مصطفى إبراهيم
مصطفى إبراهيم
ماسبيرو أخطر م الرصاص والقصر ملّى عنيك بالدم... قبل الطلوع قدام . مصطفى إبراهيم
مصطفى إبراهيم
مين بقي فاضل معاك ؟ حبة باعوا لليهود حبة باعوا لآل سعود وانت يا شعبي كعادتك عمر ما حد اشتراك مشيوا أصحاب المصالح ومشيوا ثوار السواك والميدان دايما كعادته مش هيفضل فيه ... سِواك . مصطفى إبراهيم
مصطفى إبراهيم
الملح والسكر نفس البياض إزاي؟ والورد أحكر زي لون الدم أعرف منين الضحكة دي من فين؟ وإن كنتي ضحكة فرح ولا أنتي ضحكة هم . مصطفى إبراهيم
مصطفى إبراهيم
يا رب متسبنيش غريب خدني أتونس معاهم كله راحلك إلا أنا وإن كان لسه ف العمر باقي طب فاضللي كام سنة؟ آسف....أنا مش قصدي أراجعك والشكوى دي مش كفر مني مش قولتلي....إحكي اللي واجعك؟ طلع الكلام كدا غصب عني طلع الكلام أهبل...وخام عيل عبيط ملهوش لجام والعمر دايرة مقفولة صح أولها نلقاه ف الختام . مصطفى إبراهيم
مصطفى إبراهيم
نوعين من الناس بياخدوا الدنيا بالعافية يا ناس ناجحة يا فاشلة بس معمية و أنا أهبل لسه بقنعها تسلم نفسها ليا. مصطفى إبراهيم
مصطفى إبراهيم
الأوّله… أرزاق ... والتانيه…. أسماء... والتالته…. بشتاق.... الأوّله… أرزاق مفيش حيلة ولا سكّة.... والتانيه…. أسماء عيال بتحب ع الدكّة.... والتالته… بشتاق لطعم الفرح والضحكة..... الأوّله… أرزاق مفيش حيلة ولا سكّة غير المكتوب.... والتانيه…. أسماء عيال بتحب ع الدكّة و راسمة قلوب.... والتالته… بشتاق لطعم الفرح والضحكة يا شيخ أيوب .... الأوّله… أرزاق مفيش حيلة ولا سكّة غير المكتوب مقّسِم كلّه بالحتة… والتانيه…. أسماء عيال بتحب ع الدكّة و راسمة قلوب لكل الخلق إلا انت.... والتالته… بشتاق لطعم الفرح والضحكة يا شيخ أيوب أنا ملّيت ..حدوق امتي ؟.... الأوّله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب..... متزعلشي….. والتانيه…. أسماء عيال بتحب ع الدكّة و راسمة قلوب لكل الخلق إلا انت ملكش حبيب ... متزعلشي…. والتالته… بشتاق لطعم الفرح والضحكة يا شيخ أيوب أنا ملّيت..حدوق امتي ؟ ف قاللي قريب .... متزعلشي. مصطفى إبراهيم
مصطفى إبراهيم
دور البرد اللى يجيلك مرة بيموت و يسيبك للى مجوش فبلاش خوف لا تعيد الكرة وفر خوفك للى ما شفتوش. مصطفى إبراهيم
مصطفى إبراهيم
هتلقوا ع الوطن مكتوب ((لا يؤخذ عن طريق الفم)) يا إما تشمَّروا الأكمام عشان تاخدوه يا إما توطّوا على قُدَّام عشان تاخدوه بنى هذا الوطن .. و بنوه. مصطفى إبراهيم
مصطفى إبراهيم
انا شعرى غامق بس قلبى مطقطق ابيض من زمان جايز عشان الناس ساعات بتلاقى ناس تعرف تشوفها بجد و انا قلبى لسه عمره ما اتكشف علي حد بقابل اد ما اقابل و افارق اد ما افارق و ما اتعلمش بلخبط ف الاسامى عشان بخاف انسى بلخبط ف الدنيا عشان بخاف لا ما اعيشش بقالى كتير ما بتكلمش بخاف يبقى الكلام متعاد ما كملتش ف اى رحيل ما كملتش ف اى قعاد و بدى للحياة بالكاد ما يكفيها و يكفينى شرور البهدلة فيها مليش ف البنت طلبات غير تنسينى اللى قبليها و بدخل ف حاجات تخاطيف و عينى ع اللى بعديها رقصت كتير علي السلم بخاف اطلع و اخاف من الارض اكيد الخوف مش الفكرة_ و حتى يا ستى يعنى بفرض اكيد الخوف مهواش عيب طبيعى الناس تخاف من الغيب و من المقدور برغم كدة بحب الضلمة اكتر ما بحب النور ساعات بتمنى شقة ف برج شايفة النيل و اوقات انى اعيش مستور و بزهد .. ف كل ما ف الرحلة من زخرف و ما زهدهاش ما دام فيها رمق يتعاش اكيد ف الرحلة يوم متحاش و مستنى اعدى عليه و تعرف عنه اصلا اية ؟_ مفيش غير انه لسه مجاش بنام ؟ طبعا .. كتير جدا و بالايام و طول الوقت بحلم ان انا بجرى و بشبع من الحاجات بدرى و رغم كدة لسه ما شبعتش من الجرى و من الاحلام بخاف من الموت عشان خايف ساعتها اكون عبيط .. كل اللى سيبته كلام بشوف افلام عن الدنيا و عن حكايات لناس عاشت حاجات تانية و عن حكايات لناس ماعاشوش و بتأثر و بتحسر ع كل اللى كان ممكن اكونه بس ما بقيتهوش. مصطفى إبراهيم
إقتباسات متنوعة
- الاستبداد وحده هو الذي يقيم ...
- ليس الاعتبار فى سباقنا بكم ...
- ولم یكن ذلك بنظم دلیل ...
- أثرُ أصابعها على الكتاب الذي ...
- إذا الدنيا تأملها حكيم فبينا ...
- الحبيب صلى الله عليه وسلم ...
- الناس (المشتريين) يعتقدون أنهم لن ...
- نيوتن وداروين وفرويد أدخلوا الحتمية(determinism) ...
- عندما تجف مياه الينبوع نفطن ...
- استعمل دائماً كلمة “من فضلك” ...
جديد الإقتباسات
- وسالت نفسي: لم لا يكتس ...
- يقولون إن الجيوش العربية ستدخل ...
- يمكن للحياة ان تكون ميلودرامية ...
- في مجتمع منحط تتوارى فيه ...
- الحكايات التي تنتهي، لا تنتهي ...
- ثم إن بطاقة الهوية دائماً ...
- والآن وأنا أكتب إليك... تتمثلين ...
- ووالله خالق الجنة والنار، لو ...
- من اجل انها انثى قد ...
- هدمت الأقدار هذا الصديق حتى ...