اقتباسات أقوال وحكم من كلام مصطفى إبراهيم قمنا بجمعها بكل عناية و نرجو أن تنال اعجابكم. تحتوي الصفحة على 152 قول و اقتباس من كلمات مصطفى إبراهيم.

---

مصطفى إبراهيم

قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول ونا لسة وسطيكوا يبقي ف غيابي تنزلوا أدعى قال الشهيد للشهيد ف السما السادسة ؟مين كان من الانبيا مش قلة مندسة و حكي الشهيد للشهيد م السما السابعة عن ثورة تانية حتيجي .. أقوى م الأولى . مصطفى إبراهيم

---

مصطفى إبراهيم

لوح البنور الصافي الرايق زي الميه كان اجمل جايز لاكن الأجمل دايما هش علشان كدا لما اتجرح كان عارف ان الدنيا بتبدل نعمة بتانية و خلته ميخافش الخدش . مصطفى إبراهيم

---

مصطفى إبراهيم

برغم إن الكلام ع الحب من نظرة كلام متعاد وإن الصدفة أحياناً بتبقى بألف ألف ميعاد ورغم إن الكلام أصلاً بينقص حاجة كل ما زاد ورغم إني جدع وتقيل وعمري ما أقولها بالساهل أنا نفسي أقولها لك في أول مرة نتقابل فلو كان المكان يسمح وست الكل لو تِئذن أنا عايز أقول إني بحبك من زمان جداً . مصطفى إبراهيم

---

مصطفى إبراهيم

لو دامت فى إيد غيرك .. مكنتش وصلتلك .. حصلت لميت واحد .. زى أما حصلتلك .. علشان كدة بزعل .. لكن مبتأزمش .. و ساعات كتير بفرح .. لكن ما بتعَشّمش .. ف حاجات ما بتدوّمش .. الدنيا سوق كانتو .. مفيهوش حاجات زيرو .. و زبونه أنا و انتوا .. علشان مفيش غيره .. و انتا زبون عادى .. ف مفيش حاجات مخصوص .. و مفيش قميص واحد .. فى الدنيا مش ملبوس .. ميت مرة من قبلك .. كل اللى هيقابلك .. كان ماضى و اتسابلك .. حتى الصحاب و الصيت .. حتى الكلام الحلو .. كله كدة يا عبيط .. ماشى بنفس السلو .. نظرتها ليك حتى .. ساعة ما بصتلك .. لو دامت لعين غيرك .. مكنتش وصلتلك . مصطفى إبراهيم

---

مصطفى إبراهيم

صدقني أنا كان نفسي أتعلّق.. ف حاجات يامَا وأعيش إحساس إن أنا فعلاً من غِيرها هَمُوت أنا أعرف أعيش مِن غير ما أحتاج إني أقرا الوقت من غير ولا واحد.. م اللي أنا أعرفهم دلوقت. مصطفى إبراهيم

---

مصطفى إبراهيم

كل الحاجات حواليك... ف الكادر سانده عليك.... لو جيت وشلْت اديك.... الصورة تتفركش …. ضلك على الحيطه …. كان خافي عنها النور …. وطلّعها بتنغمش... كفك على السفره... من غيره كان إزاي... مفرشها يتكرمش ؟.. بصمة صباع إيدك... لسّاها ع الشبابيك... ميت ألف تفصيله... ملهاش وجود غير بيك.. وإنتا عليك تختار... حتبدّي مين على مين ؟.. وتبدّي إيه على إيه ؟.. الجاي والجايين ؟ وللا اللي خدت عليه ؟ أصل الحياه للعلم.. مفهاش حاجات ببلاش.. وعشان ماتصبح فيلم... وأصلا عشان تتعاش.. كادر الحياه المشحون... فرح والم وشجون.. لازم يكون بيلف.... لازم يكون…. بيدور.. يتقل عليك ويخف.. ويعشّمك بالنور.. ف نهاية المشوار... ونا قلبي لف و دار..... ميت ألف ليل ونهار.... نفسه ف فرحه كادوه..... وحلاوه من غير نار.... ومّا الزمن تعبه... قصقص شريط الفيلم.... وخَد كادر كان عاجبه.... وقرر يعيش ف الحلم. مصطفى إبراهيم

---

مصطفى إبراهيم

يعني أنَا لو مِنَّك بصراحة وقَلَبت الصناديق عرض وطول ومالقيتش اللي أنا كان نفسي ألقاه هَفْضَل سايب صندوق مقفول وهَقول بالتأكيد كان جُوَّاه . مصطفى إبراهيم

---

مصطفى إبراهيم

والنتيجة كل مادا صورتى تتلخبط.. زيادة وأنسى أصل شكلى ايه وللا نفسى.. أشوفنى ليه حد زيى بعد فترة ازاى يصدق.. .. غير عينيه . مصطفى إبراهيم

---

مصطفى إبراهيم

التاريخ ضمن الغنايم .. وبيكتبه الكسبان . مصطفى إبراهيم

---

مصطفى إبراهيم

ان كان ولابد تبيع نفسك بيع نفسك فرط.. لميت واحد قالك أحسنلك .. تتبعتر أحسن.. ما يلمك جيب واحد . مصطفى إبراهيم