موقع حكم اقتباسات أقوال
موقع حكم واقتباسات أقوال يحتوي على الاف الحكم و الأمثال من أبرز الشخصيات والمشاهير.
اقتباسات أقوال وحكم من كلام مصطفى إبراهيم قمنا بجمعها بكل عناية و نرجو أن تنال اعجابكم. تحتوي الصفحة على 152 قول و اقتباس من كلمات مصطفى إبراهيم.
مصطفى إبراهيم
قابل شهيد الثورة ف الآخرة… شهيد الحرب قالّه يا بختك يا أخي …. عارف بتضرب مين أنا مُت معرفشي.... كان جاي منين الضرب كل اللي كانوا هناك شبهي و مصريين أنا و إنتا مُتنا صحيح....علشان بلدنا تعيش وانا و إنتا مُتنا صحيح...شجعان...وبنقاتل أنا جيت هنا علشان...إيدي ما طاوعتنيش أقتل وانتا عشان…أبطأ من القاتل إنتا الجميع خلفك.... من ناس و من سلطة وانا الجميع خلفي...من جيش و من شرطة إنتا شهيد رسمي.. وانا لسة فيا كلام دمك بيسقي الأرض .. وانا دمي للحُكّام يظهر وراهم نور .. فيبصوا فوق ع الضوء يملا السما ملاكين .. و يقربّوا منهم و ف أول الرحلة .. الطالعة بيهم فوق بدأوا كلام... قام دار ..هذا الحوار...بينهم ..... قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول وانا لسة وسطيكوا يبقي ف غيابي تنزلوا ادعى قال الشهيد للشهيد ف السما السادسة مين كان من الانبيا مش قلة مندسة؟ و حكي الشهيد للشهيد م السما السابعة عن ثورة تانية حتيجي .. أقوى م الأولى . مصطفى إبراهيم
مصطفى إبراهيم
لا الأرض كانت هيا نفس الأرض ولا وقتها كان الهوا هوّاه شوف أولياء الله... طالعين من الدخان يتيمموا بالطوب .... و يتمّموا على بعض بيعيّطوا م الشجاعة ما يعيّطوش م الخوف و رايتهم الحمرا ......مرفوعة مرمى الشوف و بيهتفوا للتار .....من جوا خط النار و يمجّدوا بينهم ....اللى انقتل أكتر و يبشّروا ف دينهم....بميلاد وطن أكبر... و رغم انهم دايقين...خطر الطلوع قدام لاكنهم عارفين.... إن الرجوع.....أخطر . مصطفى إبراهيم
مصطفى إبراهيم
أدين بـ دين الجدعنة و بـ دين رفاق الدرب و بـ قولة إحنا.. مش أنا.. فـ المعمعة و الضرب و بـ دين ما كنت مصدّقه.. فـ المعركة الأولى و بـ دين جثث فـ المشرحة.. أساميها مجهولة و أدين من ساب.. على الأسفلت.. اخواته مقتولة واقوله التوبة مقبولة..إلا فـ وقت الحرب . مصطفى إبراهيم
مصطفى إبراهيم
أنا طاير آه.. لكن علشان مش لاقى الأرض . مصطفى إبراهيم
مصطفى إبراهيم
يا رب أنا.. كان نفسي اكون .. م اللي اقروا إن الجريمة لا تفيد .. من قبل ما يروحوا ف حديد .. من غير جدل ولا فلسفه.. مش م اللي تابوا ف الكمين .. بعد ما كف السنين.. علم عليهم بالقفا. مصطفى إبراهيم
مصطفى إبراهيم
أعرف منين الضحكة دي من فين؟ و إن كنتي ضحكة فرح.. ولا إنتي ضحكة هم. مصطفى إبراهيم
مصطفى إبراهيم
أما الغلابة اللى بنوا الغابة... كانوا بيصحوا بعد كل مطب يدعوا ف أدان الفجر و يقولوا : يا رب يا منّان احمينا م الخوّان نجينا م الشرير و انصرنا ع الدبابة. مصطفى إبراهيم
مصطفى إبراهيم
السلام عليكم يا اللي سِبتونا و نزلتم تحت السلام عليكم يا اللي سِبتونا و طلعتم فوق ما يبكّيناش ف غيابكم إلا الشوق و ما تفهموش من ضحكتي إني ارتحت لو حد فينا ارتاح يبقى اللي بِيغمّض ساعة الفراق .. أما انا ساعة الفراق .. فتّحت . مصطفى إبراهيم
مصطفى إبراهيم
ف الدايره مفيش واحد بيتوه ّ غير اللي يقرر يوِقِف لف ف اللفّة مفيش واحد مجروح إلا أما آخرها بتلقاه خّف ف خلاصة القول عيش عرض و طول و ما تخفشي من الموت م الخرابيش هتخاف و توقّف لفّ...تموت هتراهن و تكمّل .... هتعيش . مصطفى إبراهيم
مصطفى إبراهيم
قال الولد لرِفاقته ف المعتقل... بوسوا المسدس و احضنوه وناموا... العار لمن داموا .. و المجد للّى إتقتل. مصطفى إبراهيم
إقتباسات متنوعة
جديد الإقتباسات
- وسالت نفسي: لم لا يكتس ...
- يقولون إن الجيوش العربية ستدخل ...
- يمكن للحياة ان تكون ميلودرامية ...
- في مجتمع منحط تتوارى فيه ...
- الحكايات التي تنتهي، لا تنتهي ...
- ثم إن بطاقة الهوية دائماً ...
- والآن وأنا أكتب إليك... تتمثلين ...
- ووالله خالق الجنة والنار، لو ...
- من اجل انها انثى قد ...
- هدمت الأقدار هذا الصديق حتى ...