اقتباسات أقوال وحكم من كلام مصطفى إبراهيم قمنا بجمعها بكل عناية و نرجو أن تنال اعجابكم. تحتوي الصفحة على 152 قول و اقتباس من كلمات مصطفى إبراهيم.

---

مصطفى إبراهيم

و أسمع حكايات صاحبي الأنتيم .. و نكلم بعض .. و اسرح و ادوس علي حرف الميم .. دوستين ورا بعض .. و بسيبه ساعات .. لما ازهق من كتر الحكايات .. و اكتبله حاجات ملهاش معنى .. زي الشفرة .. و ابعت للناس ف وشوش صفرا .. و ازعل منها ف أكتب طيب .. و أزعل اكتر ف أكتب ماشي .. و براحتك اصلا .. انا ماشي .. و أما اضحك ادوس علي حرف ال هه .. و علي قد الضحكة افضل دايس .. أزعل ملاقيش للحزن زرار .. و برغم بإني معبّي وشوش .. فعلا ملهوش .. ازاي حختار ؟ .. فيه وش واحشني و عمره ما جه .. مصطفى بيبقولك .. ب .. ر.. ب.. فيرد يقولي .. ت .. ي .. ت .. ف أطلع و اقفل نور الأوضة .. و اسند بدراعي علي الشباك .. و ابص لفوق .. و اتمنى ساعتها اكون وياك .. و اسرح .. و افوق .. و أما أزهق م الوقفة لوحدي .. إكمن مفيش حد معدي .. ف بطلع شباك الدنيا .. و اكتبله "أنا باك" . مصطفى إبراهيم

---

مصطفى إبراهيم

بدون سبب واضح بدون م أعرف سبب واضح عشان أزعل أنا زعلان و فجأة بدون سبب برضه يفرحنى بكون فرحان لا منى عرفت أعمل إيه عشان مزعلش من تانى و لا منى عرفت إزاى أدوق الفرحة بالمجان . مصطفى إبراهيم

---

مصطفى إبراهيم

و بتأثر و بتحسر على كل اللى كان ممكن أكونه بس ما بقيتهوش . مصطفى إبراهيم

---

مصطفى إبراهيم

تحتك فى ناس عايزة الأمل .. مش عاوزه ؟ سيبهولهم . مصطفى إبراهيم

---

مصطفى إبراهيم

الزهد .. نعمة الله العظمي .. وابتلائه الأعظم . مصطفى إبراهيم

---

مصطفى إبراهيم

ياشعب مستناش خد حقه بدراعه . ياوطن مبيسعناش واحنا اللي بنساعه. الدم لون واحد مفيهوش عبيد ولا سيد وان بعتوا دم شهيد بكره ... هتتباعوا . مصطفى إبراهيم

---

مصطفى إبراهيم

مين اللي قال البَصْمة شيء مخلوق عشان عقد ابتدائي وفيش جنائي أو ورق البصمة بتقولّك إيديك .. فيهم حاجات مش موجودين مع جنس مخلوق اتخلق . مصطفى إبراهيم

---

مصطفى إبراهيم

ونا قلبى لف ودار ميت الف ليل ونهار نفسة فى فرحه كادوه وحلاوه من غير نار وما الزمن تعبه قصقص شريط الففيلم خد كادر كات عاجبة وقرر يعيش فى الحلم . مصطفى إبراهيم

---

مصطفى إبراهيم

زمان فيه حد علمنا ف درس الدين دعاء بيقول : يا خالق كل شئ ناقص .. كمالته معاك يا شايل من الحاجات حتة .. بنترجاك بحق المشهد الكامل و اسمك اللى انا عرفته تسيب اللى يكفينا و تكفينا بما سبته ما تحوجناش لجاى مجاش و ترضينا بما جبته و ندعى وراه بصوت عالى يرج الفصل رج خفيف و اكمل دعوتى ف سرى ( و ترحم قلبى ف شيبته ) كما تدعو الفروع الاصل دعوتها ف كل خريف . مصطفى إبراهيم

---

مصطفى إبراهيم

مَثلُ الذين بِيمشوا ع الكتالوج و بِيعملوا المطلوب .. مِن غير ولا غلطة مَثلُ الذين بِيركبوا المترو و ما يركبوش اتناشر و أربعة بشَرطة لاتنين ما بِيحبوش .. القعدة ع الدكة و بِيكسبوا وقتهم و بِيخسروا السِكَّة . مصطفى إبراهيم