اقتباسات أقوال وحكم من كلام فؤاد حداد قمنا بجمعها بكل عناية و نرجو أن تنال اعجابكم. تحتوي الصفحة على 39 قول و اقتباس من كلمات فؤاد حداد.

---

فؤاد حداد

أنا طول حياتي ضنا يا طول حياتك أم، يا مصر يا معلماني الصبر والخضره، أنا الفقير الضعيف آمنت بالقدره، يا شبر ايدك في قلب الليل هلال رجبي، نزل عليّ وقال لي يا ضنا اكتب ، ولا أحد أغنى من المالك لسان عربي، ولا أحد أقوى من اللي عمره ما بيكدب، يا شبر ايدك في قلب الليل هلال رمضان، نزل عليّ وقال لي اسهر على الأوطان، وأنا طول حياتي ضنا يا طول حياتك أم . فؤاد حداد

---

فؤاد حداد

ياريتني أعمى أشربك باللمس . فؤاد حداد

---

فؤاد حداد

الحمد لله رزقني الفجر بالمواعيد وبدع في قلبي وخيالي ألف وقفة عيد وشمس تملى الليالي ولو مكانها بعيد معرفش إيه اللي كان على خدي بيندي مشيت أنا خطوه والتانية لقيتني سعيد . فؤاد حداد

---

فؤاد حداد

تعرف الإنسان ... من الطله حط قلبى شهود ... على الطبله تعرف الإنسان ... من الشوفه لا ترى مهواه ... و لا خوفه لا ترى أدناه ... بيدلى لا ترى أعلاه ... و لا بيشهق فى شحوب النار ... و فى الأزرق و القمر مسروق ... و ما جانا . فؤاد حداد

---

فؤاد حداد

الأوله و الأصل و المبدأ أنا كنت صادق و الشهيد أصدق لولا الكرامة كان لسانى انعقد و لا قريت فى الرمل و الميه و لا جبين النجم لما سجد أنا عشت ليلة قدر و أنا قمت أوفى الندر والفجر سمعنى الضحى و البلد وقلبى نمابيعصاش على عينيه كل ابن آدم كريم على ضى صوت الشيخ محمد رفعت بيقرا فى الذكر الحكيم . فؤاد حداد

---

فؤاد حداد

الكتمه ولت والنور حَضَنِّى كان حق واجب من غير تجنّى كل الكواكب تشهد لفنّى يا اهل السنيّه والأستفندى الفن صادق والأصل أصدق والإنسانيه والحب مبدأ . فؤاد حداد

---

فؤاد حداد

قال و القاتل دايما ناكر ... و السارق تلاقيه مش فاكر كله ورق و فلوس و تذاكر بيفهمنى العالم غول ... و انا ساكت.. و الدنيا شيطان . فؤاد حداد

---

فؤاد حداد

رمضان يا شهر الصيام شهر الكرم دايماً من قبل ما أطالعك كان طالعك أيمن أنا الذي هام في حب الذي هيمن سجدت لله ولفيت البلد ودعيت لا أوحش الله منك المسلمين أبداً . فؤاد حداد

---

فؤاد حداد

بكيت مسحت دموعي بامسح دموعي بكيت املوا علينا البيت املوا علينا الطريق . . . . . . . . . غنيت لقطر الندى من كتر ما غنيت . فؤاد حداد

---

فؤاد حداد

تاريخ جديد اصحى يا نايم وحد الدايم وقول نويت بكره ان حييت الشهر صايم والفجر قايم اصحى يا نايم وحد الرزاق رمضان كريم مسحراتي منقراتي وأنا قلبي راضي أنا قلبي رايق أنا قلبي طايق سبع طرايق علي الوريد الأوله دي عيون ولادي صبح ميلادي بتاريخ جديد والتانيه ساير تحت المناير رمضان يناير طالع سعيد والتالته عيني علي البريد بينك وبيني سكه حديد والرابعه داخ اللي قلبه داخل لي يبقي داخلي بالأكيد والخامسة أمسى فارش في شمسى أنا اللى همسى صبح نشيد والساتته يومي جميل فى قومى أنا اللى صومي وصلاتى عيد والسابعه بشرى من قبل بكره علي كل أكره يبقى لي إيد عصر العجايب جايب ماجايب جايب ما جاب لى المشي طاب لي والدق على طبلي ناس كانوا قبلي قالوا في الامثال الرجل تدب مطرح ماتحب وانا صنعتي مسحراتي في البلد جوال حبيت ودبيت كما العاشق ليالي طوال وكل شبر وحته من بلدي حته من كبدي حته من موال يا ليلى يا عين أنا حالف ما اغمض عين دا أنا إن شقيت قلت آه ريحت قلت آهين صبح الشقارين لعيون تزامل قمر كامل يؤانسها وعيون كما العيله دايره بفوانيسها وعيون تقول أنا حاهدي الفجر موالى ولا حد يسهر ليالي وفي الأوان يسهى اصحى يانايم وحد الدايم السعي للصوم خير من النوم دي ليالي سمحه نجومها سبحه اصحى يانايم يانايم اصحى وحد الرزاق . فؤاد حداد