---

إبراهيم عيسى

عن عذاب القبر .. ( إبراهيم عيسى ) يا مولانا إننا نسمع عن عذاب القبر ونحن فى بطن امنا ، جاى انت تقول لى مفيش عذاب قبر ! ضحك حاتم : اولاً هو حديث واحد و آحاد، عارف آحاد يعنى ايه اصلاً ؟ طبعاً لا تعرف يعنى مذكور من روايه واحده وشخص واحد ، وهذه احاديث لا تؤخذ مأخذ التشريع او التقنين او العقائد ، تمشى يا سيدى مع فضائل السور لو عايز نمشيهالك ، لكن لا تنفع مع عذاب القبر ، ثم الناس ستقتلنى وستكرهنى عندما اقول لهم مفيش عذاب قبر ، لأننى سأناقشهم بالعقل وليس بالنص . صحيح لا يوجد فى القرأن الكريم اى نص على وجود عذاب قبر ، لكن الكل متمسك بالحديث إياه دون تعريضه للاشعه فوق البنفسجيه يا اخى .. اشعه العقل الذى دعانا ربنا لتشغيله وليس لتطنيشه . - يا مولانا لا تعقد الموضوع على الناس ! اعقد ايه يا كعكى ؟! حضرتك بعد عمر طويل ستموت ، قول يا رب ! قالها حاتم ضاحكاً وصادقاً - وستدخل القبر هذا لو لم تمت محروقاً فلا يجدون لك عظماً ولا لحماً إلا رماداً ، لو هناك عذاب قبر ونعيم يبقى فى امران الاول : أنه فى حياه ثانيه لا هى حياه الدنيا ولا حياه الاخره ، حياه للميت فى القبر كى يشعر بعذاب او نعيم فكيف يشعر ويحس إلا إذا كان حياً ؟ الامر الثانى : أنه فيه يومان للحساب ويومان للقيامه وليس يوماً واحداً بدليل - لو صدقت حكايه عذاب القبر - انك ستحاسب مرتين مره فى القبر حساباً .. عذاباً او نعيماً وحساب فى الاخره .. جنه او ناراً وهذا مخالف للعقيده وللدين وللعقل .. فيوم الحساب واحد والبعث لنا جميعاً والنشور فى يوم واحد يوم ينفخ فى السور .. لكن ليس هناك حساب جزئى ولا بالقطاعى ولا على مرحلتين .. ولا خذ شويه عذاب فى القبر ونتحاسب بعدين فى القيامه .. من يقَل بعذاب القبر يصف الله عز وجل بالظلم والعياذ بالله فكيف يعاقبنا قبل ان يحاسبنا ! كيف يعذبنا فى القبر على افعالنا قبل ان يعرضنا على الصراط ونرى موازين حسناتنا وسيئاتنا ؟ هل هناك عقاب قبل الحساب ؟ حكم قبل المحكمه ؟ مستحيل !! ثم كيف يكون وضعنا يوم القيامه على نحو مذهول لدرجه ان يفر المرء من ابيه وامه واخيه وصاحبته وبنيه بينما المرء عارف النتيجه من الكنترول حيث انه تعذب او تنعم فى القبر . من روايه #مولانا .. متطلبتش منك تقتنع بالكلام .. كل اللى طلبته انك تديله حريه التفكير دون تكفيره هى ديه الحريه اللى بنطالب بيها حريه انى افكر من غير قيود .. إذا كان ربنا مدينى حريه انى اامن بيه او اشرك يعنى افكر فى وجوده من عدمه .. مش عايزنى افكر فى الشريعه واراء العلماء !! متقوليش فى ثوابت منفكرش فيها .. إحنا بنقرأ القرأن عشان نفكر فى اياته ونتعلم منها .. مش عشان نحفظها من غير ما نشغل عقلنا فيها ولا ايه لازمه التفسير بقى . إبراهيم عيسى