---

محمد صادق

كلنا بلا استثناء بنلف في الدواير.. والدنيا تلف بينا!.. كل الناس والنباتات والحيوانات بيلفوا في دواير، لأن الدايرة هي الأسلوب العبقري في ضمان الاستمرارية وعدم التجديد.. كل حاجة مربوطة ببعضها قوي.. كل حاجة حصلت قبل كده ومش جديدة.. كلنا بنعيد نفس الأخطاء ومابنتعلمش من اللي قبلنا.. احنا اتخلقنا كلنا بسناريوهات محفوظة.. وكلها بتحصل لنا كلنا كأننا شخص واحد. المشكلة -أو العبقرية- أن ربنا خلق الدواير ديه أوسع مما يمكن لعقلناالصغير أنه يدركها.. دايرة كبيرة قوي.. ماينفعش تركز في تفاصيلها أو تلمها، إلا لو عشت في دواير كتير قوي وفضلت فاكر تفاصيلها.. يمكن عشان كده ربنا خلقنا بننسى.. عشان لو مانسيناش.. محدش أصلا هيغلط! .. م الآخر كده.. انت داخل في دايرة.. والفرق بينك وبين اللي جنبك.... هو انك تكسر أي حاجة في الدايرة ديه.. انك تعرف تغير فيها.. أو على الأقل، تعرف أولها وآخرها عشان ماتغلطش تاني.. محمد صادق