اقتباسات أقوال وحكم من كلام محمد السيد قمنا بجمعها بكل عناية و نرجو أن تنال اعجابكم. تحتوي الصفحة على 79 قول و اقتباس من كلمات محمد السيد.

---

محمد السيد

يارب انا بحمدك على المر قبل الحلو فرحان وانا بعبدك طعم السجود ليك حلو كل البشر تقصدك تجبر بخاطرهم متعشمين فى الملك كريم وكرمك حلو محمد السيد

---

محمد السيد

الخ ..... ع الارض ضل البشر عامل علامة قوس والقوس ده ضهر اتحنى بيجسد الاحوال احوالنا لو مشكلة متكونش ليه ع الكل كل اللى كان ع البال لقمة وباب مقفول مقفولة فى وشنا كل الببان بالأمر بلأمر كل الببان مفتوحة للمحاسيب محاسيب بقالهم زمن كاتمين على الانفاس ان فاس ضرب فى الارض بيسرطنو الزرعة والزرعة خابت أوى ومسقطة هدومها وهدومها متأمركة كاسية البدن والراس راس الفساد جنبنا قاعد فى تل ابيب انابيبنا بتروحلهم والغاز برخص تراب وترابننا للمرمغة والسحل م العسكر عسكر صاحبنا وقعد مش ناوى يرحمنا ارحمنا ياربنا وابعتلنا ناصر ناصر اخوك فى رفح قول الكلام عبر المعبر اللى اتفتح بعديه تلاقى جدار جدارنا لما اتبنى جبنا الفلوس من فين فين اللى قال اننا لو لم نكن ..كنا كنا وكان يا مكان وحكاوى تمللى تاريخ تاريخنا قال اننا كنا ملوك الارض ع الارض ضل البشر عامل علامة قوس والضهر بقى منحنى بيجسد الاحوال كل اللى كان ع البال لقمة وباب مقفول مقفولة فـ ....... ......... الخ محمد السيد

---

محمد السيد

مش قولتلك هييجي يوم لما اسألك هتقول تعبت لا انا كنت ناوي اتعبك ومكنش قصدي اكدبك وأديك كدبت محمد السيد

---

محمد السيد

أرخص ما فيكي الدم و المبدأ و الغالي كرسي مهما دام زايل كل اللي تحت غلابة بتصدق أما اللي فوق بيظبطوا أراايل محمد السيد

---

محمد السيد

تفرق كتير لما الليالي تحن على القلب الوحيد وتبتسم له عمره يبدأ من جديد و يلاقي حلم بقاله ياما.. بيناديه ياخد أيديه والعمر يرجع تاني عيد تفرق كتير لما الحنين يوصل بقلبك للسحاب والشوق ليالي نارها أهون مــ الغياب وتلاقي شمس العمر راجعة.. بتناديك ويغني قلبك زي ما يقول الكتاب تفرق كتير أصل اللي فاضل في الحياة مبقاش كتير والثانية ويا حبيب أكيد بتعدي غير إحساس بيلغي.. كل أحزانك معاه والفرق بين الجاي والفايت كبير تفرق كتير ودنيتك تضحك في مشهد؛ مش أخير والآه تسيب العمر وتغيـَّر مصير والقلب يرجع للحياة .. بعد أما مات جناحاته تاخده للسما ومحتاج يطير تفرق كتير محمد السيد

---

محمد السيد

عابر سبيل ولا حيلتى غير الكلمتين ساعات بقولهم من سكات وساعات بيقنعى السكات هقول لمين ؟ الناس مبتحبش كلام مش ع الهوا احنا كده نعيا وبنخاف م الدوا والطبلة اسهل حاجة فى جميع الالات (يا غولة عينك عسلى وتجنن ) واما ابتسم (نقطنا بسكاتك يا عم بلاش نشاز) الحكمة ضلت من مفاهيم الحياد والودن ملت من معانى الانحياز (انسى اللى فات الحى ابقى من اللى مات يا محترم ) ادينى عقلك وامشى حافى لو تحب لكن انا مش لاقى راحتى معاكو وسط الكدب وعشان كده عابر سبيل ولا حيلتى غير الكلمتين دايما هقولهم من سكات محمد السيد

---

محمد السيد

يــارب العشمانين قلبي بيخلص قد ما بيقــدر يجوز معرفش يتقــدر يجوز الدنيــا خداعة لكنه يارب مستسلم وراضي بس عمره ما ملْ ومين غيــرك ... معاه الحل وعارف إن أنا تعبان وعارف عبدك الغلبان فاضله.. فيها كام ساعــة محمد السيد

---

محمد السيد

اوقات بتبقي المعرفة اصعب كتير م الجهل والسهل ان الاجوبة تملا الزمام ياللي انتو عايزين تعرفو معني الكلام ياللي انتو دايما تسألو مين اللي فيه ايديه اللجام عمال يسوقكم لا تسألو عن شئ لو انتو هتعرفوه لازم يسوءكم الارض شربت دمكم لما انتشت والنسر لساه في السما وف ايده طوقكم كل أما صوتكم يوصلو بيرخي حبة ويعود ويفرد سطوته بمقدار هدؤكم بيسن منقاره الغبي وبيستعد … اول ما هيكون البنا هو الأنا بينزل يهد لو كان حماكم من قرينه المستبد ازي بيلبس اقنعة وياخد حقوقكم محمد السيد

---

محمد السيد

الحنين لحاجات قديمة زى حباية مسكن وقتها عند اللزوم والرجوع لسنين جميلة.... حقنة بتقويك تكمل وسط زحمة يوم سخيف وانت ياللي طول حياتك كنت ضيف شجرة كان أهون ألمها لما يصفعها الخريف جذع مش مادد جذوره .. واتبنى حواليه رصيف خانك العمر فـ دقايق كنت دايق .. من قريب لذة العشرين وطيشها قلت اعيشها واتفجعت بقطر فاتك واتخدعت بكدبة بايتة ألف قطر وقطر غيره بكره ييجو ويندهوك والحقيقة الـــ مش شايفها السنين الجارية جارية نخاسينها بيكرهوك واللى قضو العمر جنبك واحدة واحدة يودعوك وانت عكس الوحدة ماشي بس رجلك رايحة ليها مهما كان قلبك شوارع للخلايق يمشو فيها لما يجى الليل عليها... ماتلاقيش جواها ساكن وانت رحت كتير أماكن بس قلبك كان ساعتها إيجار جديد ياللى راجع من بعيد فرصتك صابها النزيف قلبك المليان أسامي الجميع مشيو وسابوه إتحرمت يكون في بيتك حلم لسه بيبتدي وتكون أبوه السكك كانت قصادك بس قلبك؛ وقتها قرر...يتوه محمد السيد

---

محمد السيد

سهران والليل سهران جنبي وبناخد وبندي حكاوي وحكيتله الجرح اللي ف قلبي معرفش الليل يبقي مداوي ملقاش ولا كلمة يقولهالي واتسحـّب م القعدة وسابني صحالي الجرح اللي تعبني وخد مني النوم واليوم اللي بيبدأ شافني ببكي وموجوع وصعبت علي الفجر سألني ايه الموضوع! فقعدت احكيله وأشرحله عن قلب القلب زمان راحله كان اكتر حد بيرتاحله ويحس معاه بالفرحة اللي تمللي بعيدة وكانت ناسياه القلب اللي بيبكي ليالي ضحكتله الدنيا بصوت عالي كان واصل للنجم العالي من كتر الشوق اتعشم في الدنيا زيادة وفاكرها هتديله سعاده واتاريه كان واهم كالعاده ومسيره يفوق وياريت الدنيا ما ضحكتله وقالتله يدوق بقي يشبه طير ليلة عيده واتقابل برصاصة صيده وواقع من فوق حدوته وخلصت بجراحي والجرح اللي ف قلبي وصاحي كل اما احكيها يزيد ويله هو انا كان مين قاعد جنبي وعمال بحكيله محمد السيد