اقتباسات أقوال وحكم من كلام محمد السيد قمنا بجمعها بكل عناية و نرجو أن تنال اعجابكم. تحتوي الصفحة على 79 قول و اقتباس من كلمات محمد السيد.

---

محمد السيد

محسوبكم صابر من بدري ساكن في الحي العشوائي عضو ف جمعية مش لاقي والصبر جميل ومواطن بشرب من نيلها والوصل دليل وادي وصل النور ودي صورتي ف جمعة هات حقي جوه التحرير ومواظب علي حب بلادي ومتفائل خير وبحب جمال عبد الناصر ورفضت جمال ابن مبارك وحاربت جمال يوم الاربع وحاربت حمير لا بخاف من جيش ولا دبابة وماليش في الخيلة الكدابة وطابور العيش وسط غلابة خد مني كتير ووقفت ف لجنات شعبية وبحب الوحدة الوطنية وصحابي الفول والطعمية دول اجدع ناس ووقفت حداد صليت غايب جوه القداس علي روح الورد اللي مفتح في جناين مصر وعرفت القاتل والخاين وكلاب القصر وعرفت كمان ان الدلتا دي علامة نصر والنيل متوحد فى الاخر رغم الفرعين وعرفت حقوقي المتباعة وعرفت اجندة وفزاعة واكلت الكنتاكي اشاعة وخلعت رئيس بالخلاعة وعرفت الفتنة ام بتاعة كت جاية منين والطلقة اللي ف كتفي دي ميري مش طلقة دين الدين في كنايس وجوامع اما اللي بيهتف في الشارع دول مصريين محمد السيد

---

محمد السيد

لما بتكلم معاكى لما بغرق بين حروفك وادخل الدنيا اللى فيها بانسى خوفى وتنسى خوفك يبتدى الشوق اللى ليكى جوه منى يترسم جوه القصايد واكتب الشعر الل دايما كله فيكى بس عارفة بابقى سامع كل كلمة كتبتها علشان عنيكى جوه ودنى بابقى حاسّك جوّه حضنى وألقى نفسى حد تانى انتى ليه دايما معاكى بتختلف كل المعانى؟؟؟؟ محمد السيد

---

محمد السيد

وانا صغير مكانش يهمنى (امتى) وانا صغير بقف دايما قصاد (ازاى؟) وكنت بحب (دلوقتى) وبكره كل يوم (لسه) وبزعل لما بسمع (بس) وقولت لنفسى 100 مرة اكيد اكبر وأهزم (لأ) وادينى كبرت مش عارف كبرت بسرعة او بشويش وضاع منى الكلام كله وكل اللى فضللى (مفيش) محمد السيد

---

محمد السيد

لما راجع ذكرياته شاف قصاده شريط حياته اكتشف كام قطر فاته واكتشف حبة حاجات عمرة عدا واحدة واحده الف فرصه ماخدش واحده قلبه ليه ماختارش واحده رغم انه بتاع بنات ياما فات في الصخر شقه كان عنيد وماسابش حقه بس ليه اللي استحقه فاضي من غير انجازات كل يوم يستني بكره عمره قرب يبقى ذكري شاف كتير ومخدش فكرة والف بكره وبكره فات دنيا بيعافر معاها باعها ياما واشتراها برضه في الحالتين متاهة مهما يعمل معجزات قال هتبقى ميه ميه لو حداقة ومفهومية بس طلعت هي هي دنيا في كل الحالات لما راجع ذكرياته شاف قصاده شريط حياته اكتشف كام قطر فاته م الزعل قام طب مات محمد السيد

---

محمد السيد

الكلمة اللي بتعصي اوامرك مش بتعمّر أي قصيدة.. قشّة بتقسم جوه دماغك ضهر لآخر فكرة جديدة... أزمة شاعر كان بيدوّر ع الحدوتة المش تقليد... لسه الشوف في عيونه عنيد... لكن برضه الكلمة عنيدة محمد السيد

---

محمد السيد

الدمعة لحظة قدر اقوي من الترتيب والحزن علم الغيب اللي ما يتذاكر فاكر دموع عشتها وللا انت مش فاكر كانت بتيجي كده من غير معاد ولا وقت تعاتبها ليه دلوقت ما هي حتي لوقايلة ايه اللي هفيدك سلم عنيك وابكي… ده الدمع بيريح محمد السيد

---

محمد السيد

قلبى تايه فيكى لكن.. انتى مش تايهه ف ضلوعى... ياللى حبك فيا ساكن.. جنب ضعفى وجنب جوعى طول ما طعم الخوف فى قوتى يبقى هيطوّل سكوتى واما يرجع ليا صوتى تبقى دى بداية رجوعى اه بحبك وانتى عارفة ان حبك فرض عندى بس لسه عيونى شايفة ناس بتزرع فيكى خوف اوعى تبقى ف لحظة خايفة ارفضى ظلمك وعاندى مهما رسمو ف صورة زايفة غير حقيقتك مش هاشوف ايدى فى ايديكى وتعالى نزرع النور فى الليالى رجعى الحلم لخيالى وامسحى بايدك دموعى قلبى تايه فيكى لكن انتى مش تايهه ف ضلوعى .... ضلموكى و سرقو نورك أخدو منك كل شئ سجنو حلمك علـّو سورك علمو الخوف للولاد الامل محتاج يزورك يبقى جنبك فى الطريق بكره يرجع ليكى دورك ترجعى ست البلاد ايدى فى ايديكى وتعالى نزرع النور فى الليالى رجعى الحلم لخيالى وامسحى بايدك دموعى قلبى تايه فيكى لكن انتى مش تايهه ف ضلوعى محمد السيد

---

محمد السيد

سيب السنين تاخد من عمرنا وتروح أيه يعني سايبة جروح ؟؟!! ولا اللي فات واجع ..كل اللي فات راجع حتى الجسد والروح محمد السيد

---

محمد السيد

مكنتش عارف اتكلم مفيش ولا معني كان قابل يشيل حمل الكلام ليكي سابوني لو حدي اتعلم واشوف البحر في عنيكي يغرق قلبي لما يريد واديني عرفت معني جديد بحس بحاجة مختلفة عنيكي المشكلة حالفة أموت فيها لكني سعيد عشان لو روحي رجعتلي أموت تاني بلمسة ايد محمد السيد

---

محمد السيد

بكسر فى قلبى كل يوم حبة وجع وأعمل جدع و أضحك فى وش الجرح و أتريق عليه بدفن بكايا بالبطئ وبلم دمعى من الطريق وأتداوى بيه عرفت ان المشكلة مش فى الدموع وان الرجوع مع اى (راح) اصلا سخف انا لسه فاهم .. للأسف واكيد هواظب ع اللى (جاى) بدون بكا محمد السيد